ATBA ATAA ilə birgə əməkdaşlıq əlaqələrini müzakirə ediblər.

Azərbaycan Turizm Bələdçiləri Assosiasiyası Azərbaycan Turizm Agentlikləri Assosiasiyası ilə birgə əməkdaşlıq əlaqələrini müzakirə ediblər.

Sentyabrın 19-da Azərbaycan Turizm Bələdçiləri Assosiasiyası (ATBA) və Azərbaycan Turizm Agentlikləri Assosiasiyası arasında postpandemiya dövründə bələdçilərlə turizm şirkətləri arasında qarşılıqlı əlaqələrin inkişafı, turizm xidmətlərinin göstərilməsində birgə fəaliyyət imkanları, əməkdaşlıqda yaşanan çətinliklərin aradan qaldırılması və digər məsələlər ətrafında fikir mübadiləsi aparılıb.

Görüş çərçivəsində Assosiasiya rəhbərləri turizm sektorundə təklif olunan xidmətlərdə tərəflər üçün sərfəli qiymətlərin formalaşdırılması, göstərilən xidmətlərin keyfiyyətinin artırılması, eləcə də sağlam biznes mühitinin yaradılması məsələlərini müzakirə ediblər.

Görüşdə Assosiasiyalar arasında tərəfdaşlıq əlaqələrinin davam etdirilməsinin vacibliyi qeyd olunub.