16 Noyabr 2020-ci il tarixindən ATBA-nın təşəbbüsü ilə “Qarabağ Turizm Potensialının ölçülməsi” mövzüsuna dair vebinarlara start verilmişdir. Sözügedən vebinarlarda Qarabağ xalçası, Alban məbədləri, Qarabağın qastronomiya və şərabçılıq üzrə potensialı, flora və fauna ehtiyatları, etnoqrafik məqamlar və digər mövzuları əhatə etmək nəzərdə tutulmuşdur. Ümumilikdə, hər biri 2-3 saat olmaqla 19 mövzu olacaq.
İştirakçılardan işçi qruplar qurulacaq və həmin qruplar ATGA tərəfindən vebinarlara dəvət olunmuş ekspertlərin verdiyi məlumatlar əsasında turizm konsepsiyaları hazırlayacaqlar. Sonda ən yaxşı konsepsiya seçilərək qaliblər açıqlanacaq.