ATGA turizm sahəsində əməkdaşlıq tədbirində iştirak edib

23 oktyabr 2026-cı il tarixində Bakı-Abşeron Regional Turizm İdarəsinin təşkilatçılığı ilə “Bakı-Abşeron regionunda yeni turizm məhsullarının yaradılması və əməkdaşlıq imkanları” mövzusunda tədbir keçirilib.

Azərbaycan Turizm Bələdçiləri Assosiasiyasının (ATGA) nümayəndələrinin də iştirak etdiyi görüşdə regionun turizm potensialından səmərəli istifadə, yeni turizm məhsullarının yaradılması və əməkdaşlıq imkanlarının genişləndirilməsi müzakirə olunub.

Tədbir çərçivəsində turizm məkanları və təşkilatların nümayəndələri təqdimatlarla çıxış edib, iştirakçılar fikir və təcrübə mübadiləsi aparıblar.

Dəvətə və tədbirin təşkilinə görə Bakı-Abşeron Regional Turizm İdarəsinin rəhbəri Elnarə xanıma və komandasına təşəkkürümüzü bildiririk!