“Ramana Qəsri Muzeyi”nə infotur

Qobustan Milli Tarix-Bədii Qoruğu və Azərbaycan Turizm Bələdçiləri Assosiasiyasının birgə təşəbbüsü ilə “Ramana Qəsri Muzeyi”nə infotur keçirilib.

İnfotur zamanı iştirakçılar muzeyin tarixi, memarlıq xüsusiyyətləri, yeni konsepsiyası və ziyarətçilər üçün təqdim olunan imkanlarla tanış olublar.

Görüş çərçivəsində muzeyin yerli və xarici turistlər üçün turizm məhsullarına inteqrasiyası, müxtəlif ekskursiya marşrutlarına daxil edilməsi və gələcək əməkdaşlıq imkanları müzakirə olunub.

Bu cür infoturlar turizm peşəkarlarının yeni məkanlar haqqında məlumatlılığının artırılmasına və onların turizm marşrutlarında daha effektiv təqdim olunmasına xidmət edir.

İnfoturun təşkilinə və göstərilən qonaqpərvərliyə görə Qobustan Milli Tarix-Bədii Qoruğunun rəhbərliyinə və kollektivinə təşəkkür edirik!