AZ
EN
RU
Azərbaycan Turizm Bürosunun (ATB) təşkilatçılığı ilə 24–25 avqust tarixlərində 50 yerli turizm sənayesi nümayəndəsinin iştirakı ilə Xankəndi, Şuşa və Laçın şəhərlərini əhatə edən tanışlıq səfəri təşkil olunub.
Səfər çərçivəsində iştirakçılar regionun turizm potensialı, zəngin mədəni-tarixi irsi, təbii resursları və yeni turizm məhsulları ilə tanış olublar. Səfərdə Azərbaycan Turizm Bələdçiləri Assosiasiyasının bələdçiləri də iştirak edərək regionun turizm məkanları və marşrutları ilə bağlı praktiki təcrübə əldə ediblər.
Tanışlıq səfəri yeni turizm məhsullarının hazırlanması və gələcək əməkdaşlıq imkanlarının genişləndirilməsi baxımından faydalı olub.