SKAL Bakı Klub və Azərbaycan Turizm Sənaye Liderlərinin görüşü

Turizm sektoru üzrə keçirilən ümumi iclasda mövcud problemlər və inkişaf istiqamətləri müzakirə olunub.Turizm sənayesi üzrə ekspertlərin, assosiasiya nümayəndələrinin və Dövlət Turizm Agentliyinin təmsilçilərinin iştirakı ilə ümumi iclas keçirilib. Tədbirdə ölkənin turizm sektorunda mövcud vəziyyət, sənayeni narahat edən əsas problemlər və həlli yolları ətrafında müzakirələr aparılıb, həmçinin bir sıra təkliflər irəli sürülüb.
İclas zamanı çıxış edən Azərbaycan Turizm Bələdçiləri Assosiasiyasının sədri Tural Musayev bildirib ki, hazırkı dinamika və dünya iqtisadiyyatına dair statistik göstəricilər Azərbaycan turizm sənayesində azalma tendensiyasının müşahidə olunduğunu göstərir. Onun sözlərinə görə, mövcud şərait düzgün dəyərləndirilməli, yaranmış vəziyyətə vaxtında müdaxilə edilməli və sektorda islahat xarakterli addımlar atılmalıdır. Mənbə Qeyd olunub ki, geosiyasi vəziyyətin təsiri fonunda turist axınının azalması müşahidə edilir. Bu baxımdan, turizm sahəsində daha effektiv idarəetmə və hüquqi mexanizmlərin formalaşdırılması, eyni zamanda Azərbaycanın turistlər üçün daha cəlbedici və maraqlı istiqamətə çevrilməsi məqsədilə zəruri addımların atılması vacib hesab olunur.