Turizm Bələdçiliyi

Azərbaycan Turizm Bələdçiləri Assosiasiyası və İçərişəhər Dövlət Tarix-Memarlıq Qoruğu İdarəsinin birgə əməkdaşlığı çərçivəsində qoruq əməkdaşları üçün təkmilləşdirmə məqsədli “Turizm Bələdçiliyi: Davranış, Səs və İnteraktiv Ünsiyyət Bacarıqları” mövzusunda masterclass keçirilmişdir.

Masterclass zamanı Azərbaycan Turizm Bələdçiləri Assosiasiyasının sədri Tural Musayev tərəfindən səs və həyəcanın idarə olunması, effektiv bələdçilik, auditoriya ilə düzgün ünsiyyət və interaktiv təqdimat bacarıqları mövzularında geniş məlumat verilmişdir.

Tədbirin əsas məqsədi turizm sahəsində fəaliyyət göstərən əməkdaşların peşəkar bilik və bacarıqlarının inkişafına dəstək olmaq olmuşdur.

Əməkdaşlığa və göstərilən dəstəyə görə İçərişəhər Dövlət Tarix-Memarlıq Qoruğu İdarəsinin rəhbərliyinə təşəkkürümüzü bildiririk.