Tələbələr üçün "Azərbaycanın turizm sənayesinin inkişafında bələdçilərin rolu" mövzusunda görüş keçirildi

28 Aprel 2023 tarixində Azərbaycan Turizm Bələdçiləri Assosiasiyasının təşkilatçılığı ilə Turizm və Menecment Universitetində təhsil alan bir qrup tələbələrlə görüş keçirildi. Görüş ATBA-nın ofisində təşkil olundu.

Azərbaycan Turizm Bələdçiləri Assosiasiyasın İdarə Heyətinin sədri Tural Musayev tələbələrlə görüş zamanı tur bələdçilərin fəaliyyətinin turizmin inkişafına təkan verən əsas xidmət sektoru olduğunu bildirərək peşəkar bələdçi olmağın qaydaları haqda ətraflı məlumat vermişdir.

Görüş əsnasında ATBA-nın İdarə Heyətinin sədri təcrübə keçmək istəyən tələbələr üçün qurumun ofis işinin təşkili və ya müəyyən dillər üzrə bələdçilik təcrübəsinin qazanılmasına şərait yaradacağını diqqətə çatdırmışdır.

Görüşün sonunda tələbələrin sualları cavablandırılmışdır. Tezliklə tələbələrlə növbəti görüşün Azərbaycan Turizm Menecment Universitetində keçirilməsi bildirilmişdir.