AZ
EN
RU
Bu gün turizm bələdçisi peşəsini təmsil edən peşəkar şəxslərin fəaliyyətinə dəstək verən Azərbaycan Turizm Bələdçiləri Assosiasiyası fəaliyyətinin 4-cü ildönümünü qeyd edir. Məqsədi Azərbaycanda bütün bələdçiləri təmsil etmək və turizm sənayesinin inkişafı üçün ölkədəki bələdçilərin peşəkarlıq və keyfiyyət səviyyəsini yüksəltmək olan Azərbaycan Turizm Bələdçiləri Assosiasiyasının 4 yaşı mübarək!
Bu illər ərzində Azərbaycan Turizm Bələdçiləri Assosiasiyasının fəaliyyətinə dəstək olan Dövlət Turizm Agentliyinə, Azərbaycan Turizm Bürosuna, Ümumdünya Turizm Bələdçiləri Assosiasiyaları Federasiyasına, Dövlət Turizm Agentliyinin nəzdində yaradılmış Qoruqları İdarəetmə Mərkəzinə, Azərbaycan Turizm Agentlikləri Assosiasiyasına, Azərbaycan Hotel Assosiasiyasına, Almaniya Beynəlxalq Əməkdaşlıq Cəmiyyətinə (GIZ) və digər tərəfdaşlara öz minnətdarlığımızı bildiririk.
Peşəkar bələdçilərimizə Azərbaycan haqqında həmişə düzgün xoş təəssürat yaratmalarını diləyirik! #ATGA həştəqi ilə daha da böyük uğurlarımız olsun!
Qeyd etmək istərdik ki, Azərbaycan Turizm Bələdçiləri Assosiasiyası Ümumdünya Turizm Bələdçiləri Assosiasiyaları Federasiyasının (WFTGA) tamhüquqlu üzvüdür, WFTGA-nın standartlarını ölkə üzrə tətbiq edir və ilk dəfə ölkəmizin həmin Federasiyada səsvermə hüququna malikdir.