Fevralın 3-də Summer tour şirkətinin təşkilatçılığı ilə Azərbaycan Turizm Bələdçiləri Assosiasiyasının bir qrup üzv bələdçiləri üçün Şuşaya infotur təşkil edildi.
İnfotur zamanı bələdçilər Şuşa qalası, Bülbülün ev-muzeyini, şair Molla Pənah Vaqifin məqbərəsini ziyarət etdilər. Həmçinin iştirakçılar Yuxarı Gövhər Ağa Məscidi və Füzuli şəhərində İkinci Qarabağ müharibəsində ilk şəhid abidəsi ilə tanış oldular.
Səfər zamanı Azərbaycanın işğaldan azad edilmiş ərazilərində görülən bərpa və yenidənqurma işləri ilə bağlı bələdçilərə ətraflı məlumat verildi.