Sentyabrın 19-da Azərbaycan Turizm Bələdçiləri Assosiasiyasının və Lənkəran TİM (DMT)-nin təşkilatçılığı ilə keçirilən Cənub bölgəsi üzrə peşəkar turizm bələdçi təlimlərini uğurla başa vuran iştirakçılar müvafiq şəhadətnamə və sertifikatlar ilə təltif olunublar. Təltifetmə Lənkəran TİM in ofisində təşkil olunmuşdur.
Xatırladaq ki, Azərbaycan Turizm Bələdçilər Assosiasiyasının və Lənkəran TİM (DMT)-nin təşkilatçılığı ilə 6-11 iyun tarixlərində cənub bölgəsi üzrə peşəkar turizm kadrlarının hazırlanması məqsədi ilə ilk dəfə olaraq turizm bələdçiləri təlimlərinə start verilmişdir. Təlimlərdə 50 nəfərdən çox iştirakçıya həm nəzəri həm də praktiki biliklərin verilməsi, eyni zamanda nümünəvi infoturlar həyata keçirilirmişdir. Təlim Ümumdünya Turizm Bələdçiləri Assosiasiyasının peşəkar təlimçiləri Azərbaycan Turizm Bələdçilər Assosasiyasının sədri Milli təlimçi Tural Musayev və Milli təlimçi Rüfət Əliyev tərəfindən keçirilmişdir.
Qeyd etmək istərdik ki, əsas məqsəd yerli bələdçilərin peşəkarlıq səviyyəsinin yüksəldilməsi ilə yanaşı yeni bələdçilərin hazırlanması, yerli gənclərin turizm sahəsinə cəlb olunması və onlara yeni iş imkanlarının yaradılmasıdır.