ATBA-ya üzv olan turizm bələdçilərinin “Şərq bazarı” ticarət kompleksində infotur təşkil olunmuşdur.

İyulun 15-də Azərbaycan Turizm Bələdçiləri Assosiasiyasının təşkilatçılığı ilə ATBA-ya üzv olan turizm bələdçilərinin “Şərq bazarı” ticarət kompleksində infotur təşkil olunmuşdur

Nümayəndələr tərəfindən bələdçilərə Şərq bazarının valehedici pavilyonlarına məlumatlandırıcı ekskursiya keçirilmişdir. Bələdçilər milli brendlərimizin müxtəlif sahələr üzrə əl işləri olan məhsullarla yaxından tanış olmuşdur.

İnfoturun məqsədi “Şərq bazarı” kompleksinin yerli və xarici turistlər üçün milli brend məhsulların tanıdılması, zərgərlik, xalçaçılıq, rəssamlıq, toxuculuq, keramika, misgərlik, dulusçuluq, və başqa sahələr üzrə həftənin müəyyən günlərində keçirilən master klasslarda iştirak etmək, həmçinin networking görüş və tədbirlərin keçilməsi üçün münasib şəraitin olmasıdır.

Qeyd edək ki, Şərq bazarı kompleksi şərq üslubunda tikilən, Azərbaycanın mədəni irs və adət-ənənələrini əks etdirən, tarixi və müasirliyi birləşdirən, yerli və xarici turistlərin unudulmaz xatirələrlə yola düşəcəyi turistik məkanlardan və nadir tarixi abidələrdəndir.