Noyabrın 13-də Dövlət Turizm Agentliyi tərəfindən turizm sənayesi nümayəndələrinin işğaldan azad olunmuş Ağdam rayonuna səfəri təşkil olunub.
Səfərdə Azərbaycanda fəaliyyət göstərən turizm şirkətlərinin və hotellərin nümayəndələri, turizm blogerləri həmçinin Azərbaycan Turizm Bələdçiləri Assosiasiyasının idarə heyətininin üzvləri iştirak ediblər.
Səfər çərçivəsində “İmarət” kompleksinə, Çörək muzeyinə, Dram teatrının qalıqlarına baxış keçirilib, eləcə də Şahbulaq qalası, Ağdam Cümə məscidi və Qiyaslı kəndindəki məscid ziyarət olunub.
İştirakçılar işğal müddətində “kabus şəhər”ə çevrilən Ağdama qarşı törədilmiş urbisid aktının nəticələrini müşahidə ediblər və rayonun mövcud turizm imkanlarını qiymətləndiriblər.
Səfər iştirakçıları Ağdam şəhəri də daxil olmaqla rayonun yenidənqurulması və bərpası istiqamətində görülən işlərlə tanış olublar.