Azərbaycanı yerli birinin gözü ilə kəşf edin! 
Salam! Mən Həyanə Atamoğlanova. 2020-ci ildən Azərbaycanda bələdçi kimi fəaliyyət göstərirəm.
Bu illər ərzində dünyanın müxtəlif ölkələrindən gələn qonaqlara koreya və türk dillərində bələdçilik etmiş, Azərbaycanın qədim tarixini, zəngin mədəniyyətini, gözəl təbiətini və özünəməxsus həyat tərzini onlara tanıtmaq imkanı qazanmışam.
Mənim üçün bələdçilik sadəcə tarixi məlumatları çatdırmaq və görməli yerləri göstərmək deyil. Hər səfərin qonağın yaddaşında xüsusi bir xatirəyə çevrilməsini istəyirəm. Buna görə də səyahətlər zamanı qonaqları yalnız məşhur məkanlarla deyil, Azərbaycanın mədəniyyəti, adət-ənənələri, mətbəxi və insanları ilə də tanış etməyə çalışıram.
Fərqli ölkələrdən olan insanlarla tanış olmaq, onların mədəniyyətlərini öyrənmək və öz ölkəmi onlara tanıtmaq bu peşənin mənim üçün ən gözəl tərəflərindən biridir.
Sizi Azərbaycanı kəşf etməyə, hiss etməyə və unudulmaz xatirələr toplamağa dəvət edirəm.