Mən Musayeva Səidə, Naxçıvan şəhərində fəaliyyət göstərən turizm bələdçisiyəm. Hal hazırda Naxçıvan Travel, Jolly Travel şirkətlərində çalışıram. Turizm sahəsində 3 illik təcrübəyə malikəm və bu müddət ərzində yerli və xarici turistlərə Naxçıvanın zəngin tarixi, mədəniyyəti və təbiət gözəlliklərini tanıtmaqla məşğulam.

Ali təhsilimi İngilis dili müəllimliyi ixtisası üzrə başa vurmuşam. Təhsilimin verdiyi dil bilikləri turizm sahəsində mənə geniş imkanlar açıb. Hal-hazırda Azərbaycan, Türk və İngilis dillərində sərbəst şəkildə danışa bilirəm ki, bu da müxtəlif millətlərdən olan turistlərlə rahat ünsiyyət qurmağımda böyük rol oynayır.

Turizm sahəsinə olan şəxsi marağım və bu sahədə özümü daim inkişaf etdirmək istəklə yanaşmağım məni bu peşəyə daha da bağlı edib. Turistlərə yalnız məlumat vermək deyil, həm də onlara unudulmaz təəssüratlar bəxş etmək əsas məqsədimdir.