Elvin Məmmədli
1986-cı ilin 26 iyun tarixində Bakı şəhərində anadan olmuşam. 2008-ci ildə Azərbaycan Dövlət İqtisad Universitetini bitirmişəm. Peşəm iqtisadçı olsa da, tarix, etnoqrafiya və coğrafiya sahəsindəki biliklərim sayəsində peşəkar bələdçi kimi çalışıram. Bundan əvvəl oteldə işlədiyim illəri nəzərə alsaq, Avropa, ərəb ölkələri, Hindistan, Rusiya, Belarus, Qazaxıstan və digər ölkələrdən olan qonaqlarla işləmək təcrübəm var. Məsuliyyətli və punktual bir insan olaraq, ölkəmi və peşəmi layiqincə təmsil etməyi əsas prinsipim hesab edirəm. Ekskursiyalarım zamanı qonaqları Azərbaycanla tanış etməyi və ölkələrimiz arasındakı tarixi və mədəni yaxınlığı vurğulamağı sevirəm. Səyahəti sevən bir insan kimi turistlərin gözləntilərini və ehtiyaclarını yaxşı anlayıram və onlar üçün komfortlu səfərlər təşkil edirəm. Qonaqlarımızı Bakı və Azərbaycanın digər maraqlı bölgələri ilə tanış etməkdən məmnunluq duyuram.