Hər kəsə salam! 

Mən, Lali Mamedova, 2024-cü ildə Azərbaycan Dillər Universitetinin Koreya dili üzrə Tərcümə ixtisasından məzun olmuşam.  

2022-ci ildən başlayaraq indiyə qədər Koreya dili üzrə müəllimliklə məşğul oluram. Fərqli dil kurslarında çalışdıqdan sonra 2024-cü ildə fərdi kurs açmağa nail olmuşam, hal-hazırda da fəaliyyətimə davam edirəm.  

Bələdçilik üzrə fəaliyyətə isə 2023-cü ilin yay aylarından başlamışam, bu sahə üzrə bir illik təcrübəm var. Azərbaycan və sahib olduğu qədim tarixi, zəngin mədəniyyəti, abidələri haqqında hər gün araşdırmalar apararaq yeni və maraqlı məlumatlar əldə etməyə çalışıram. Ölkəmizi tanımaq istəyənlər rəhbərlik etdiyim turlara qoşularaq Azərbaycanda olduqları müddətdə əyləncəli vaxt keçirə bilər, ölkə haqqında ətraflı məlumat əldə edə bilərlər. Bələdçi kimi məqsədim Azərbaycanı tanıdaraq bu ölkəni turistlərin ikinci evinə çevirməkdir.