Mən Rizvan Qasımzadə, 2004-cü ildən bəri turizm bələdçisiyəm.Bununla yanaşı, 2010-cu ildən bəri, tur rəhbər olaraq, Azərbaycandan müxtəlif xarici ölkələrə turist qrupları aparıram.
Bugünədək(2021), 25 ölkəyə səyahət etmişəm və bunlardan 10 ölkəyə turist qrupları aparmışam.
Bu xarici ölkələrə səyahət etmək mənə o ölkələrlə yaxından tanış olmaq , onlara öz ölkəmi tanıtmaq imkanı vermiş və eyni zamanda, mədəniyyətlərin ortaq nöqtəsini tapmağa kömək olmuşdur.Bu həm də xarici qonaqlarla ünsiyyətimdə mənə daha yardımçı olur. 

ABŞ-n Overseas Adventure Travel və Türkiyənin Turkey’s Magical Hideaways 2019 birgə təlimlərində iştirak etmişəm və onların Azərbaycana göndərdiyi turistik qruplarla tur lider olaraq işləmişəm.
Doğma ölkəmi , işimi və yeni turistik marşrutları kəşf etməyi çox sevirəm.
Bununla yanaşı, sizin üçün öz şəxsi minivenimlə Azərbaycan və yaxın qonşu ölkələrə fərdi turlar (1 - 7 nəfərlik) təşkil edə bilərəm.
Qafqazda - Avropa və Asiya mədəniyyətlərinin birləşdiyi nöqtəni , zəngin memarlıq incilərini görmək,ölkəmin şimaldan - cənuba, şəqdən - qərbə gözəl təbiətini seyr etmək ,ləziz mətbəximizin cox dadlı və müxtəlif çeşidli təamlarını dadmaq istəyirsinizsə , sizi  Azərbaycana dəvət edirəm.