Sizi Elvira Allahverdiyeva ilə tanış edim. Mən hər zaman müxtəlif yerləri gəzməyi, kəşf etməyi, tədqiq etməyi, getdiyi hər yerin tarixi, mədəniyyəti, adət-ənənələri, mətbəxi ilə tanış olmağı, insanları ilə ünsiyyət qurmağı, musiqi dinləməyi, kitab oxumağı, gülməyi, ətrafa təbəssüm bəxş etməyi çox sevirəm. İxtisasca ingilis dili müəllimiyəm, həm də menecerəm. 10 ilə yaxındır bağça müdiri kimi fəaliyyət göstərməyim ilə bərabər, turizm sahəsində müxtəlif treninqlərdə də iştirak edirəm, xüsusən regionlarda bu sahənin inkişafı üçün əlindən gələni əsirgəmirəm. Mən hər il məzuniyyətimi Azərbaycanın müxtəlif regionlarını, imkan düşdükcə xarici ölkələri gəzməklə bərabər, özümə məxsus sosial şəbəkələrdə həmin ərazilər barədə məlumatlar yazmağı da özümə borc bilirəm. Çox oxuyan yox, çox gəzən çox bilər deyiblər. Mən isə həm oxuyub, həm gəzib, həm də bu haqda yazmağı çox sevirəm. Dünya o qədər heyrətamizdir ki, gəzib görməyə həvəsi olmayan insanların həyatda amalının nə olduğunu heç vaxt anlamıram.. Ömrü yetəcək qədər bütün dünyanı gəzmək, görmək, zövq almaq və bu barədə yazmaq istəyirəm. Siz də gəzin, görün,  qısacası yaşayın (mənim kimi)
Sertifikatlarım: Azərbaycan Turizm Bürosu və Turizm Könüllüləri Təşkilatının birgə təşkilatçılığı ilə keçirilən Sahman monitorinqində fəal iştirakına görə Sertifikat; Azərbaycan Turizm Bələdçiləri Assosiasiyası, Azərbaycan Turizm Bürosunun birgə təşkilatçılığı ilə keçirilən "Turizm bələdçisi hazırlığı" kursunu müvəffəqiyyətlə başa vurmuş və Şəhadətnamə ilə təltif olunmuşam.