Şərifova Günay Tapdıq qızı.
Bir yarım şəkili (Şəki şəh.) digər yarım qarabağlıdır (Füzuli ray.). Dünyanın hər yeri özünəməxsusluğu ilə seçilir və zövqə görə gözəlliyi ilə cəlb edir, bu iki şəhər də fərqli iqlim qurşağında yerləşir, ancaq fərqli şəkildə gözəllikləri ilə də hər kəsi cəlb edir. Əfsuslar olsun ki, "qondarma Qarabağ" müharibəsi səbəbli baba yurdumuza getməz olduq, İnşəAllah ki, yenə gedə biləcəyik. Hazırda sadəcə Şəki üzrə bələdçilik xidməti göstərirəm və ümid edirəm ki, bu sahə üzrə işlə məşğul olmaq baba yurdumda da qismət olacaq. 
Təhsilimi Şəki şəhərində almış, tam orta məktəbi qızıl medalla bitirmişəm. İlk ali təhsilimi Bakı şəhərində N. Nərimanov adına ATU-da (həkim), ikinci təhsilimi Nijni Novqorodda yapon dili üzrə almışam. Vətənə qayıtdıqdan sonra son 8 ildə yapon və rus dilləri üzrə tərcüməçi-bələdçi, həmçinin, son 5 ildə AMEA-da (Bakı şəh.) tərcüməçi işləyirəm. Ne mutlu bana (türklər demiş) hobim və sənətim üst-üstə düşür :)
Ümid edirəm ki, Vətənim öz igid oğulları sayəsində yaxşı cəhətdən inkişaf etmiş ölkələr sırasında olacaq, həmçinin, turizm sahəsi get-gedə çiçəklənəcək. Hər şeyin başlanğıcı bir qədər çətin olur. Bizlərə bu yolda uğurlar diləyi ilə!