Səyahət etməkdən, müxtəlif insanları və mədəniyyətləri tanımaqdan çox xoşladığım fəaliyyət yoxdur. Bu səbəbdən bələdçi olmaqdan necə həzz aldığımı təsəvvür edə bilərsiniz. Mənim maraq dairəm olduqca müxtəlifdir: mən tarixi, incəsənəti- musiqi, arxitektura, rəqs, poeziya, - idmanı və təamlar bişirməyi sevirəm. Buna görə də sizinlə gəzintilər zamanı bir çox ortaq xüsusiyyətlər tapacağımıza əminəm və ümid edirəm ki, birlikdə keçirəcəyimiz vaxt çox faydalı olacaq. Hər şeydən öncə sizin xatirələrinizdə Şərqlə Qərbin elementlərini məharətlə özündə cəmləşdirən füsunkar və valehedici şəhər - Bakının xüsusi təsvirlərinin həkk olunmasına kömək olmaq istəyirəm. İçəri Şəhərin dar küçələrini insanlara göstərməkdən, kiçik mağazalara və həyətlərə girməkdən, müxtəlif dövrlərin romantik, nostaljik ab-havasının təzadını hiss etmək üçün Şahın Bağçasında gəzməkdən məmnunluq duyuram. Mən öz gəzintilərimdə əsrlərdən bəri öz varlığını qoruyan və müasir həyatın proqressivliyini ilə birgə ahəng daşıyan qayda və ənənələrin təzadlı dünyası olan Azərbaycan incəsənətinin, mədəniyyətinin və adət-ənənələrinin elementlərini qeyd edəcəm. Ənənəvi bazar, kiçik köşklər, rəngarəng qalareyalar, xariqüladə brendlər- bu və daha çox fəaliyyətlər mənim gəzinti siyahımda sizi gözləyir.

Sertifikatlar:

• HOT sertifikatı (Dünya Turist Bələdçiləri Federasiyası)
• Avropa Şurası: Davamlı Şərab Mədəniyyəti Turizm Təlimçiləri Təlimi
• Mədəniyyət və Turizm Nazirliyi